IPL 2025 New Schedule: Dates, Venues & Match Details

Himanshu Nigam
May 12, 2025

Bharatiya cricket fans ke liye IPL sirf ek tournament nahi, balki ek tyohar hota hai. Har saal log iske liye intezaar karte hain, aur IPL 2025 bhi kuch aisa hi tha. Iska shubh-aarambh 22 March 2025 ko hua tha aur iska final 25 May 2025 ko Kolkata ke Eden Gardens Stadium me hone wala tha. Lekin kuch aise haalaat bane jinke chalte tournament ko beech me hi rokna pada.

Why was IPL 2025 stopped?

9 May 2025 ko Punjab Kings vs Delhi Capitals ka match Dharamshala me hona tha, lekin Bharat aur Pakistan ke beech badhte tension ke wajah se is match ko security reasons ke chalte cancel kar diya gaya. Sirf yehi nahi, BCCI ne poore tournament ko ek hafte ke liye sthagit kar diya.

When will IPL 2025 start again?

Sabhi fans ka sawal tha – IPL dobara kab start hoga? Reports ke mutabik, IPL 16 May 2025 se phir se shuru ho sakta hai. Halanki, agar situation sudharti nahi hai, toh shesh matches September 2025 me karaye ja sakte hain.

IPL 2025 Bache Matches ka Possible Schedule

Match No.	Date	Teams	Venue
Match 67	16 May 2025	Rajasthan Royals vs Punjab Kings	Jaipur
Match 68	17 May 2025	RCB vs KKR	Bangalore
Match 69	18 May 2025	Gujarat Titans vs CSK	Ahmedabad
Match 70	18 May 2025	Lucknow Super Giants vs SRH	Lucknow
Qualifier 1	20 May 2025	TBD	Hyderabad
Eliminator	21 May 2025	TBD	Hyderabad
Qualifier 2	23 May 2025	TBD	Kolkata
Final	25 May 2025	TBD	Kolkata

Note: Ye schedule final confirmation ke baad badal bhi sakta hai.

BCCI ne bola hai ki unki top priority players aur fans ki safety hai. Saari stadiums ki security agencies ke sath review ho raha hai. Agar security green signal deta hai toh matches wapas start honge.

Can the venue of the final change?

Abhi ke liye, final 25 May 2025 ko Kolkata me hi hone wala hai. Lekin agar tension aur badhta hai, toh ho sakta hai ki date aur venue dono change kiye jaaye.

What is the reaction of foreign players?

IPL me kaafi foreign players participate karte hain. Current crisis ke wajah se kuch players concerned hain. Kuch log apne desh wapas bhi chale gaye hain, aur wo IPL restart hone ke baad hi return karenge.