What is AJAX Advantage and Disadvantage of AJAX

Himanshu Nigam
April 10, 2025

Hello doston! Aaj hum is article mein (AJAX in Hindi – AJAX kya hai aur iske fayde) ke baare mein padhenge. Isse bahut hi aasan bhasha mein likha gaya hai. Isse aap poora padhiye, yeh aapko aaram se samajh mein aa jaayega. Toh chaliye shuru karte hain:-

What is AJAX

AJAX ka full form hota hai Asynchronous JavaScript And XML. Yeh (HTML, CSS, JavaScript, DOM, XML) jaise technologies ka group hai jiska use web applications develop karne ke liye kiya jaata hai.

Yeh ek interactive web page banane mein madad karta hai. Yeh web page ki performance ko better banata hai. Iske alawa AJAX ka use web page ki speed ko badhane ke liye bhi kiya jaata hai.

AJAX user ko web page ke saath interact karne mein help karta hai. AJAX ka istemal web page ko bina refresh kiye server ke saath communicate karne ke liye bhi hota hai.

AJAX mein CSS aur HTML DOM ka use data ko display karne ke liye aur XML ka use application data ko transport karne ke liye kiya jaata hai. Ismein JavaScript ka use dynamic content display karne ke liye hota hai.

AJAX ek web browser technique bhi hai jo user ko web page ko dobara load kiye bina data bhejne aur receive karne ki permission deti hai. Yeh technique user ko sirf important information bhejne aur receive karne ki suvidha deti hai.

Aaj ke time mein web par bahut saare web applications run kar rahe hain jaise: Gmail, Facebook, Twitter, Google Map, YouTube – yeh sabhi AJAX technique ka use karte hain.

Components of AJAX

AJAX ke 5 main components hote hain:

1. HTML

HTML ka full form hota hai Hyper Text Markup Language. Yeh ek markup language hai jiska use web pages banane ke liye hota hai. AJAX mein iska use data ko display karne ke liye kiya jaata hai.

2. CSS

CSS ka full form hota hai Cascading Style Sheet. Yeh markup language mein likhe gaye documents ko format dene ke kaam aata hai. AJAX mein bhi iska use data display karne ke liye hota hai.

3. JavaScript

JavaScript ek programming language hai jiska use web apps aur websites develop karne ke liye hota hai. AJAX mein iska use dynamic content dikhane ke liye hota hai.

4. DOM (Document Object Model)

DOM ka use page ke andar se data access karne ke liye hota hai.

5. XMLHttpRequest Object

Server ko data bhejne aur receive karne ke liye iska use hota hai.

Advantages of AJAX in Hindi – AJAX ke Fayde

AJAX web page ki speed ko badhata hai – page ko baar-baar reload karne ki jarurat nahi hoti.
Yeh web page ko interactive banata hai – user experience better hota hai.
End user ko better experience milta hai.
AJAX mein kaafi saari open-source JavaScript libraries hoti hain jo performance ko improve karne mein madad karti hain.
AJAX based application mein kam server bandwidth ka use hota hai – kyunki full page reload nahi hota.

Disadvantages of AJAX in Hindi – AJAX ke Nuksan

Agar user ke browser mein JavaScript disabled hai toh AJAX based application kaam nahi karegi.
AJAX mein back aur refresh button properly kaam nahi karte.
Kuch AJAX modes mein server ko process karne mein jyada time lagta hai.
Yeh sabhi browsers par support nahi karta.
Search engines AJAX pages ko index nahi kar pate.
Koi bhi user AJAX code ko dekh sakta hai (security concern).

How Does AJAX Work in Hindi – AJAX Kaise Kaam Karta Hai?

AJAX mein browser pehli baar server ko request bhejta hai aur server response karta hai – yeh ek web model ki tarah hota hai.
Uske baad JavaScript se server ko naye request bheje jaate hain.

Example:
Agar user ne Like button par click kiya – toh JavaScript ka onclick event trigger hota hai.
Is event mein ek function call hota hai jisme XMLHttpRequest object ke through server ko request bheji jaati hai.

Yeh request AJAX engine ke through server tak pahuchti hai.
AJAX engine JavaScript aur XMLHttpRequest ka combination hota hai – jo background mein server se connect karke likes ki count update karta hai.